Imbere ya Perezida wa Leta zunze Ubumwe za Amerika, Donald Trump, abakuru b’ibihugu bya Congo n’u Rwanda bamaze gushyira umukono ku masezerano yo guhana amahoro hagati y’ibihugu byombi.<\/p>\n\n\n\n
U Rwanda ruvuga ko umutwe wa FDLR, ushinjwa kuba ugizwe n’abasize bakoze Jenoside, uba muri Congo kandi ukaba ufashwa na Leta y’icyo gihugu guhungabanya umutekano w’u Rwanda, mu gihe Congo na yo ivuga ko umutwe wa AFC\/M23 uyirwanya ubifashijwemo n’u Rwanda.<\/p>\n\n\n\n
Perezida Trump avuga ko uyu munsi ari uw’amateka ku Rwanda na Congo nyuma y’imyaka 30 y’intambara ngo zahitanye miliyoni 10 z’abaturage.<\/p>\n\n\n\n
Trump akaba yasabye ko abarwanyi bose batari aba Leta bagomba kwamburwa intwaro bagashyirwa mu buzima busanzwe, amabuye y’agaciro ya Congo agatangira gucuruzwa hirya no hino ku isi kandi agateza imbere ibihugu byose byo mu karere.<\/p>\n\n\n\n
Aya masezerano yashyizweho umukono imbere y’abandi bakuru b’ibihugu bya Angola, u Burundi, Kenya, Visi Perezida wa Uganda, Perezida wa Komisiyo ya Afurika yunze Ubumwe ndetse n’abaminisitiri b’ububanyi n’amahanga barimo uwa Qatar(na yo yagize uruhare mu buhuza).<\/p>\n\n\n\n