{"id":1356,"date":"2024-08-27T20:11:10","date_gmt":"2024-08-27T20:11:10","guid":{"rendered":"https:\/\/alarmnews.rw\/?p=1356"},"modified":"2024-08-27T20:11:10","modified_gmt":"2024-08-27T20:11:10","slug":"ibitero-bikomeye-byuburusiya-byibasiye-ukraine-kuri-uyu-wa-kabiri","status":"publish","type":"post","link":"https:\/\/kigaliinfo.com\/kinya\/2024\/08\/27\/ibitero-bikomeye-byuburusiya-byibasiye-ukraine-kuri-uyu-wa-kabiri\/","title":{"rendered":"Ibitero bikomeye by’Uburusiya byibasiye Ukraine kuri uyu wa kabiri"},"content":{"rendered":"

Inkuru ya BBC<\/p>\n

Uburusiya bwibasiye Ukraine mu yindi nkubiri y’ibitero byiciwemo abantu, umunsi umwe nyuma yuko buyigabyeho kimwe mu bitero binini cyane byo mu kirere bibayeho muri iyi ntambara.<\/p>\n

Abategetsi bavuze ko abantu nibura babiri biciwe mu gitero kuri hoteli yo mu mujyi wa Kryvyi Rih, rwagati muri Ukraine, naho abandi babiri bapfiriye mu bitero by’indege nto z’intambara zitajyamo umupilote zizwi nka ‘drone’, mu karere ka Zaporizhzhia, mu majyepfo ashyira uburasirazuba.<\/p>\n

Mbere, abagenzuzi b’ikirere ba Ukraine batahuye indege z’Uburusiya zigaba ibitero bya misile zihuta cyane kurusha umuvuduko w’ijwi zizwi nka ‘hypersonic missiles’, ndetse igisikare cya Ukraine kirwanira mu kirere cyavuze ko cyahanuye misile eshanu hamwe na ‘drone’ 60.<\/p>\n

Abantu nibura batandatu barapfuye mu ijoro ryo ku cyumweru rishyira ku wa mbere, naho abandi babarirwa muri za mirongo barakomeretse, ubwo uturere turenga kimwe cya kabiri cy’uturere twa Ukraine twagabwagaho ibitero na ‘drone’ n’ibisasu bya misile by’Uburusiya.<\/p>\n

Ibikorwa-remezo by’amashanyarazi byarashweho, bituma umuriro ubura mu mijyi myinshi, ndetse bigira ingaruka no ku buryo bwo kubona amazi.<\/p>\n

Itangazo rya minisiteri y’ingabo z’Uburusiya ryavuze ko intwaro zidahusha zirasa kure zo mu kirere n’izirasira mu nyanja zakoreshejwe mu kurasa ku bigo by’ingufu z’amashanyarazi n’ibikorwa-remezo bijyanye na zo muri Ukraine, harimo no mu murwa mukuru Kyiv, mu karere ka Lviv, mu karere ka Kharkiv no mu karere ka Odesa.<\/p>\n

Perezida w’Amerika Joe Biden yavuze ko ibyo bitero ari “agahomamunwa”, avuga ko Amerika izakomeza gufasha umuyoboro w’amashanyarazi wa Ukraine.<\/p>\n

Minisitiri w’ububanyi n’amahanga w’Ubwongereza David Lammy yamaganye “ibitero by’ubugwari bya misile na drone by’Uburusiya ku bikorwa-remezo bya gisivile”.<\/p>\n

Mu bitero bishya byo mu ijoro ryacyeye rishyira kuri uyu wa kabiri, Uburusiya bwavuze ko bwateye misile 10, bunohereza ‘drone’ 81.<\/p>\n

Hoteli yarashweho na misile yo mu bwoko bwa ‘ballistic’ mu mujyi wa Kryvyi Rih mu ijoro ryo ku wa mbere, yica umugabo n’umugore, ndetse abandi bantu benshi barakomereka. Abantu babiri batangajwe ko baburiwe irengero.<\/p>\n

Umujyi wa Kryvyi Rih ni wo Perezida wa Ukraine Volodymyr Zelensky avukamo.<\/p>\n

Hagati aho, umukuru w’ubutegetsi bw’akarere ka Zaporizhzhia, Ivan Fedorov, yavuze ko abantu babiri bishwe, naho abandi bane barakomereka mu bitero bya ‘drone’.<\/p>\n

Ibiturika byanatangajwe ko byumvikanye i Kyiv, no mu turere twa Sumy, Khmelnytsky na Mykolayiv.<\/p>\n

Hanatahuwe uburyo bwo kurasa misile nyinshi zihuta cyane kurusha ijwi zo mu bwoko bwa ‘ballistic’ zirasirwa mu kirere, zigorana ku bwirinzi bwo mu kirere mu kuzifata.<\/p>\n

Ibi bitero bishya birimo kubonwa nko kugerageza kw’Uburusiya kwo kongera gushimangira ko bugenzura iyi ntambara, nyuma yuko Ukraine iherutse kwigarurira ubutaka mu karere ka Kursk ko mu Burusiya.<\/p>\n

\"\"<\/p>\n

Uburusiya bwatangiye kurasa ku bikorwa-remezo by’amashanyarazi bya Ukraine kuva mu ntangiriro y’igitero gisesuye cyabwo kuri Ukraine, cyatangiye muri Gashyantare (2) mu 2022.<\/p>\n

Mu mezi ya vuba aha ashize, bwasubukuye ibitero byabwo ku muyoboro w’amashanyarazi wa Ukraine, bituma umuriro w’amashanyarazi ubura kenshi mu gihugu.<\/p>\n

Ku wa mbere, Zelensky yasabye inshuti za Ukraine zo mu burengerazuba, zirimo Ubwongereza, Amerika n’Ubufaransa, guhindura amategeko yazo zikareka Ukraine igakoresha intwaro zayihaye, ikazirashisha kure cyane mu Burusiya.<\/p>\n

Ukraine yemerewe gukoresha zimwe mu ntwaro z’uburengerazuba mu kurasa imbere mu Burusiya \u2013 ariko zitari intwaro zo kurasa mu ntera ndende.<\/p>\n

Zelensky yavuze ko “dushobora gukora byinshi kurushaho mu kurinda ubuzima” niba igisirikare cy’ibihugu by’Uburayi kirwanira mu kirere gikoranye n’ubwirinzi bwo mu kirere bwa Ukraine.<\/p>\n

By Julien<\/p>\n","protected":false},"excerpt":{"rendered":"

Inkuru ya BBC Uburusiya bwibasiye Ukraine mu yindi nkubiri y’ibitero byiciwemo abantu, umunsi umwe nyuma yuko buyigabyeho kimwe mu bitero binini cyane byo mu kirere bibayeho muri iyi ntambara. Abategetsi…<\/p>\n","protected":false},"author":2,"featured_media":1377,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-1356","post","type-post","status-publish","format-standard","has-post-thumbnail","hentry","category-amakuru"],"_links":{"self":[{"href":"https:\/\/kigaliinfo.com\/kinya\/wp-json\/wp\/v2\/posts\/1356","targetHints":{"allow":["GET"]}}],"collection":[{"href":"https:\/\/kigaliinfo.com\/kinya\/wp-json\/wp\/v2\/posts"}],"about":[{"href":"https:\/\/kigaliinfo.com\/kinya\/wp-json\/wp\/v2\/types\/post"}],"author":[{"embeddable":true,"href":"https:\/\/kigaliinfo.com\/kinya\/wp-json\/wp\/v2\/users\/2"}],"replies":[{"embeddable":true,"href":"https:\/\/kigaliinfo.com\/kinya\/wp-json\/wp\/v2\/comments?post=1356"}],"version-history":[{"count":0,"href":"https:\/\/kigaliinfo.com\/kinya\/wp-json\/wp\/v2\/posts\/1356\/revisions"}],"wp:featuredmedia":[{"embeddable":true,"href":"https:\/\/kigaliinfo.com\/kinya\/wp-json\/wp\/v2\/media\/1377"}],"wp:attachment":[{"href":"https:\/\/kigaliinfo.com\/kinya\/wp-json\/wp\/v2\/media?parent=1356"}],"wp:term":[{"taxonomy":"category","embeddable":true,"href":"https:\/\/kigaliinfo.com\/kinya\/wp-json\/wp\/v2\/categories?post=1356"},{"taxonomy":"post_tag","embeddable":true,"href":"https:\/\/kigaliinfo.com\/kinya\/wp-json\/wp\/v2\/tags?post=1356"}],"curies":[{"name":"wp","href":"https:\/\/api.w.org\/{rel}","templated":true}]}}